Elektron to'lov tizimi "Humo" - yangi ijrochi direktori Aleksey Maksimov kim?
Elektron to'lov tizimi "Humo" - yangi ijrochi direktori Aleksey Maksimov kim?
#tahlil
4 daqiqa
13/03/25, 14:44
Ulashish:
Aleksey Maksimov "Humo" to‘lov tizimiga rahbar etib tayinlandi. Ushbu lavozimga 2018-yil sentabrdan buyon Shuhratbek Qurbonov rahbarlik qilib kelayotgan edi.
"Aksiyadorlik jamiyatlari va aksiyadorlarning huquqlarini himoya qilish to‘g‘risida"gi qonun 59-moddasiga ko‘ra, ijro organi rahbarini tayinlash aksiyadorlar umumiy yig‘ilishi vakolatiga kiradi.
Biroq, jamiyat ustavida bu vakolat kuzatuv kengashiga berilgan bo‘lsa, kuzatuv kengashi a’zolari ham ijro organi rahbarini (CEO) tayinlash yoki muddatidan oldin bo‘shatishlari mumkin.
Aleksey Maksimov TATU (Toshkent axborot texnologiyalari universiteti) va Toshkent moliya institutidan ta’lim olgan.
Spot uz ma’lumotlariga ko‘ra, 2023-yilning 20-iyuligacha "Octo", "Octopay" va "Vuelo" kompaniyalari rahbari va ta’sischilaridan biri ham bo‘lgan.
Professional faoliyati davomida "O‘zmilliybank"da boshqarma boshlig‘i lavozimida ishlagan.
Aksiyadorlik jamiyatlariga yangi rahbar tayinlashini korporatsiya kelgusi faoliyatida noaniqliklar keltirib chiqarsa-da, tajribali va yaxshi obro‘ga ega rahbar kelishi investorlar ishonchini oshiradi.
Aleksey Maksimov "Humo" rahbar bo‘lishidan oldin, 2023-yil avgust oyidan boshlab "Octobank" raisi o‘rinbosari vazifasida ishlab kelgan edi.
"Octobank" aksiyadorlik jamiyati kripto-aktivlar aylanmasi sohasidagi maxsus rejim ishtirokchilaridan biri hisoblanadi.
Eslatib o‘tamiz, 2025-yil yanvar oyida "Paynet" AJ ’’Milliy banklararo protsessing markazi’’ ning davlatga tegishli 100% aksiyalar paketini $65 mln evaziga sotib olgan edi.
Foto: “PLAS forum”
O'xshash yangiliklar
Prezidentning 27-mart sanasida hokimlar bilan o‘tkazgan yig‘ilishida, bozorlarga egalik qilishda hokimliklarning majburiy ishtiroki to‘g‘risidagi norma bekor qilinmoqda.
Bozorlar mahalliy hokimiyat tasarrufidan chiqariladi
#iqtisod
27/03/25